logo
Blog single photo
January 23 2023

सेयर बजारमा झण्डै ४ अर्बको कारोबार, नेप्से दोहोरो अंकले घट्यो 

बैंक खबर । सेयर बजार परिसूचक नेप्से १३.७१ अंकले घटेर २१६५.१० विन्दुमा बन्द भएको छ ।  ३ अर्ब ८६ करोड ४० लाख रुपैयाँको सेयर किनबेच भएको छ । 
४१ कम्पनीको सेयर मूल्य बढेको छ भने १६६ कम्पनीको घटेको छ । ५ वटा कम्पनीको सकारात्मक सर्किट लेभलमा कारोबार भएको छ ।

कारोबारमा आएका १४ समूहमध्ये बैंकिङ र म्यूचुअल फण्ड बाहेकका सबै घटेका छन् । बैंकिङ समूह १.०८ प्रतिशत र म्यूचअल फण्ड ०.६६ प्रतिशतले बढेका छन् । 
सोमबारको घटाइलाई विश्लेषकहरुले करेक्सन भनेका छन् । एक महिना अघि १८ सय ५० विन्दु आसपास रहेको बजार ४ सय अंकको वृद्धिपछि सामान्य करेक्सन देखाइरहेको रुपमा लिनुपर्ने विश्लेषण छ । कतिपयले करेक्सन फेज समाप्त भएपछि फेरी नयाँ उचाई लिनसक्ने अनुमान पनि गरेका छन् । 

वित्तीय प्रणालीमा तरलता सहज बन्दै गएको र ब्याजदर पनि घट्न थालेपछि सेयर बजारमा लगानीकर्ताको चहलपहल देखिन थालेको हो । यसले दैनिक कारोबार बढाइदिएको छ । 
 



All banking information at your fingertips.

Top