बैंकहरुले तीन महिनामा कमाए १६ अर्ब २३ करोड नाफा, कसले कति कमायो ?

बैंकको खबर । वाणिज्य बैंकहरुले चालु आर्थिक वर्षको पहिलो त्रैमासको वित्तीय विवरण सार्वजनिक गरेका छन् । विवरणअनुसार २० वटा वाणिज्य बैंकहरुको खुद नाफा गत आर्थिक वर्षको पहिलो त्रैमासको तुलनामा २१.६३ प्रतिशत बढेको छ । असोज मसान्तसम्म बैंकहरुले १६ अर्ब २३ करोड रुपैयाँ नाफा कमाएका छन् । एक वर्षअघि बैंकहरुको कुल नाफा १३ अर्ब ३४ करोड रुपैयाा थियो । 

सबैभन्दा धेरै नाफा कमाउनेमा नबिल बैंक अगाडि देखिएको छ । नबिलले दुई अर्ब पाँच करोड रुपैयाँ कमाएको छ । नबिल पछि ग्लोबल आइएमई बैंकको नाफा धेरै छ । ग्लोबल आइएमई बैंकले एक अर्ब ५१ करोड रुपैयाँ कमाएको छ । त्यसपछि नेपाल इन्भेष्टमेन्ट मेगा बैंकले एक अर्ब ४६ करोड रुपैयाँ, प्राइम कमर्सियल बैंकले एक अर्ब २८ करोड रुपैयाँ, एनएमबि बैंकले एक अर्ब १४ करोड रुपैयाँ, एभरेष्ट बैंकले एक अर्ब १२ करोड रुपैयाँ, कुमारी बैंकले एक अर्ब सात करोड रुपैयाँ र प्रभु बैंकले एक अर्ब चार करोड रुपैयाँ नाफा कमाएका छन् । बाँकी सबै बैंकको नाफा एक अर्ब रुपैयाँ भन्दा कम छ । 

सबैभन्दा कम नाफा एनआईसी एशिया बैंकले ११ करोड पाँच लाख रुपैयाँ कमाएको छ । एक वर्षमा एनआईसी एसियाको नाफामा ८९.०६ प्रतिशतले गिरावट आएको छ । राष्ट्रिय वाणिज्य बैंकको नाफा पनि एक वर्ष अघिको तुलनामा ८२.४० प्रतिशत घटेर १५ करोड १३ लाख रुपैयाँमा झरेको छ । गत आर्थिक वर्षको पलिहो त्रैमासमा राष्ट्रिय वाणिज्य बैंकले ८५ करोड ९८ लाख रुपैयाँ कमाएको थियो ।
 

All banking information at your fingertips.

रिपोर्ट तथा सूचना

बैंक शब्दको सुरुवात कसरी भयो? हेर्नुहोस् बैंकिङ अवधारणा र विकास

२ वर्ष पहिले

सिभिल लघुवित्तको साधारणसभाले पारित गर्यो ११ प्रतिशत बोनस सेयर

२ वर्ष पहिले

नेपालमा बैंकको इतिहास, जान्नुहोस् बैंकको विकासक्रम

२ वर्ष पहिले