कर्जा विस्तार सुस्त भएपछि बैंकिङ प्रणालीमा थुप्रियो तरलता, राष्ट्र बैंकले ५० अर्ब तान्दै
२०८२ वैशाख २१ गते आइतबार ।
बैंकको खबर । नेपाल राष्ट्र बैंकले बैंकिङ प्रणालीमा रहेको अधिक तरलता व्यवस्थापन गर्न ५० अर्ब रुपैयाँ तान्ने भएको छ ।
केन्द्रीय बैंकले निक्षेप संकलन उपकरण जारी गरेर आज बैंक तथा वित्तीय संस्थाहरुबाट २१ दिन अवधिका लागि ५० अर्ब रुपैयाँ तान्न लागेको हो ।
निक्षेप दिन चाहने इच्छुक बैंक तथा वित्तीय संस्थाले आज दिउँसो ३ बजेसम्म बोलकबोलमार्फत आवेदन दिन सक्नेछन् ।
सो निक्षेपको साँवा र ब्याज भुक्तानी आगामी जेठ ११ गते हुनेछ ।
निक्षेपको ब्याजदर भने बोलकबोल बाट निर्धारण हुने केन्द्रीय बैंकले जनाएको छ ।
बैंक तथा वित्तीय सस्थाहरुले न्यूनतम १० करोड र अधिकतम ५ करोडले निःशेष भाग जानेगरी निष्कासित रकमसम्म माग गर्न सक्नेछन् ।
यसअघि वैशाख १७ गते पनि केन्द्रीय बैंकले ५० अर्ब रुपैयाँ निक्षेप तान्न माग गरेको थियो । त्यसदिन बैंक तथा वित्तीय संस्थाले १ खर्ब ७ अर्ब ३५ करोड रुपैयाँ निक्षेप राख्न आवेदन दिएका थिए । जसेको औसत ब्याजदर २.८५ प्रतिशत निर्धारण भएको थियो ।
शेयर गर्नुहोस
सम्बन्धित समाचार
