अर्थमन्त्री र नवनियुक्त गभर्नर पौडेलबीच भेटघाट
२०८२ जेठ ७ गते बुधबार ।
बैंकको खबर । नेपाल राष्ट्र बैंकका नवनियुक्त गभर्नर डा. विश्व पौडेलले उपप्रधानमन्त्री एवं अर्थमन्त्री विष्णुप्रसाद पौडेललाई भेटेका छन् । आज बिहान राष्ट्र बैंकमा पद बहाली गरेलगत्तै नवनियुक्त गभर्नर पौडेलले अर्थ मन्त्रालय पुगेर अर्थमन्त्री पौडेललाई भेटेका हुन् ।
भेटमा अर्थमन्त्री पौडेलले नवनियुक्त गभर्नर पौडेललाई बधाइ दिँदै सफल कार्यकालको शुभकामना दिए ।
अर्थमन्त्री पौडेलले वित्त नीति र मौद्रीक नीतिबीच समन्वय गरी अघि बढ्ने उल्लेख गर्दै नवनियुक्त गभर्नर पौडेलले अर्थतन्त्र र मौद्रीक क्षेत्रमा देखा परेका समस्या समाधानमा महत्वपूर्ण पहल गर्नुहुने विश्वास व्यक्त गरेका छन्।
नवनियुक्त गभर्नर पौडेलले अर्थ मन्त्रालयले देशको अर्थतन्त्रको नेतृत्व गर्ने र नेपाल राष्ट्र बैंकले मौद्रिक नीतिमार्फत वित्त नीति कार्यान्वयनमा सहयोग पुर्याउने बताए । उनले वित्तीय क्षेत्रको प्रभावकारिताका लागि राष्ट्र बैंकको सुपरीवेक्षकीय क्षमतामा जोड दिने बताए ।
सो अवसरमा उद्योग, वाणिज्य तथा आपूर्तिमन्त्री दामोदर भण्डारी, अर्थ सचिव घनश्याम उपाध्याय, राजस्व सचिव दिनेशकुमार घिमिरे लगायत नवनियुक्त गभर्नर पौडेललाई बधाइ तथा शुभकामना दिएका थिए ।
शेयर गर्नुहोस
सम्बन्धित समाचार
