ग्लोबल आइएमई बैंकको नाफा बढ्यो, वितरणयोग्य मुनाफा घट्यो, खराब कर्जा बढ्यो
बैंकको खबर। ग्लोबल आइएमई बैंकले चालु आर्थिक वर्षको पहिलो त्रैमासमा १ अर्ब २२ करोड ५७ लाख रुपैयाँ मुनाफा कमाएको छ । यो नाफा गत आर्थिक वर्षको सोही अवधिको तुलनामा ३.०४ प्रतिशत बढी हो। गत आर्थिक वर्षको पहिलो त्रैमासमा बैंकले १ अर्ब १८ करोड ९५ लाख रुपैयाँ नाफा कमाएको थियो।
इम्पेरिमेन्ट चार्ज बढेका कारण बैंकको खुद नाफामा दबाब देखिएको छ । बैंकको खुद ब्याज आम्दानी ४९.९२ प्रतिशत बढेर ४ अर्ब ८० करोड १५ लाख रुपैयाँ कायम भएको छ । गत आर्थिक वर्षको सोही अवधिमा बैंकको खुद ब्याज आम्दानी ३ अर्ब २० करोड २७ लाख रुपैयाँ थियो ।
बैंकको सञ्चालन मुनाफा ६.४२ प्रतिशत बढेर १ अर्ब ७९ करोड ८५ लाख रुपैयाँ कायम छ ।
चालु आर्थिक वर्षको पहिलो त्रैमासमा ४ खर्ब ४३ अर्ब १६लाख रुपैयाँ निक्षेप संकलन गरी ३ खर्ब ५७ अर्ब ३७ करोड ३० लाख कर्जा लगानी गरेको छ । गत असारसम्म बैंकको निक्षेप ४ खर्ब २्६ अर्ब ३२ करोड ५४ लाख रुपैयाँ थियो भने कर्जा लगानी ३ खर्ब ५६ अर्ब ३९ करोड ४७ लाख रुपैयाँ थियो ।
खुद नाफा बढेपनि बैंकको प्रतिसेयर आम्दानी घटेको छ । गत आर्थिक वर्षको पहिलो त्रैमासको तुलनामा बैंकको प्रतिसेयर आम्दानी ६ रुपैयाँ २९ पैसाले घटेर १३ रुपैयाँ ७१ पैसामा झरेको छ । बैंकको मूल्य आम्दानी अनुपात १४.७४ गुणा छ भने प्रतिसेयर नेटवर्थ १६८ रुपैयाँ ३० पैसा छ। बैंकको खराब कर्जा २.१० प्रतिशतबाट बढेर ४.३८ प्रतिशत पुुगेको छ ।
३५ अर्ब ७७ करोड १० लाख रुपैयाँ चुक्ता पूँजी रहेको बैंकको जगेडा कोषमा २१ अर्ब १० करोड ६७ लाख रुपैयाँ सञ्चित छ।
बैंकको वितरणयोग्य मुनाफा गत वर्षभन्दा घटेको छ । पहिलो त्रैमासमा बैंकको वितरणयोग्य मुनाफा ३ अर्ब ३२ करोड ३३ लाख रुपैयाँ छ । गत आर्थिक वर्षको पहिलो त्रैमासमा बैंकको वितरणयोग्य मुनाफा ३ अर्ब ४५ करोड ९० लाख रुपैयाँ थियो ।
All financial information at your fingertips.
शेयर गर्नुहोस
सम्बन्धित समाचार
