२०८१ कात्तिक ३० गते शुक्रबार ।

बैंकको खबर । धेरैजसो वाणिज्य बैंकहरुले मंसिर महिनामा पनि मुद्दति निक्षेपको ब्याजदर घटाएका छन् । केही बैंकहरुले कात्तिक महिनाकै ब्याजदरलाई निरन्तरता दिएका छन् । 

बैंकहरुले सार्वजनिक गरेको नयाँ ब्याजदरअनुसार अब व्यक्तिगत मुद्दति निक्षेपको औसत ब्याजदर ५.९९ प्रतिशत कायम भएको छ । कात्तिक महिनामा औसत ब्याजदर ६.१८ प्रतिशत थियो । एक महिनामा औसत ब्याजदर ०.१९ प्रतिशत विन्दुले घटेको छ । 

बैंकमा निक्षेप थपिदै जाने तर कर्जा प्रवाह न्यून हुने अवस्था छ । प्रणालीमा तरलता बढी भएपछि बैंकहरुले ब्याजदर घटाउँदै लगेका हुन् । ब्याजदर घटेर तल झरेपनि कर्जा लिनेहरुको संख्या बढेको छैन ।