बीमा खबर । एसियन लाइफ इन्स्योरेन्सको लाभांश सुरक्षित गर्ने आज (असार १९ गते) अन्तिम दिन हो । इन्स्योरेन्सले असार ३० गते बस्ने साधारणसभा र लाभांश वितरण प्रयोजनका लागि भोली (असार २० गते) सेयरधनी दर्ता किताब बन्द (बुक क्लोज) गर्दै छ । त्यसैले आजसम्म नेप्सेमा सेयर खरिद गर्ने सेयरधनीहरुले इन्स्योरेन्सको सधारणसभामा सहभागिता जनाउन र त्यहाँबाट पारित हुने लाभांश प्राप्त गर्न सक्नेछन् ।
इन्स्योरेन्सले गत आर्थिक वर्षको नाफाबाट आफ्ना सेयरधनीहरुलाई ५.१० प्रतिशत बोनस सेयर र सोको कर प्रयोजनको लागि ०.२६८४ प्रतिशत नगद लाभांश वितरण गर्ने प्रस्ताव साधारणसभामा लैजाँदै छ ।
साधारणसभा बारा जिल्लाको होटल ईच्षा समिर असार ३० गते दिउँसो १ बजे सुरु हुनेछ । साधारणसभाले कम्पनीको प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने, संस्थापक सेयरधनीहरुको तर्फबाट सञ्चालक समितिमा प्रतिनिधित्व गर्ने ३ जना र सर्वसाधारण सेयरधनीहरुको तर्फबाट २ जना सञ्चालकको निर्वाचन गर्ने, १ जना स्वतन्त्र सञ्चालक मनोनित गर्ने, लेखापरीक्षक नियुक्त गर्ने लगायतका प्रस्तावहरु पनि पारित गर्नेछ।
