२०८१ माघ ७ गते सोमबार ।

बैंकको खबर । चालू आर्थिक वर्ष २०८१/८२को दोस्रो त्रैमाससम्म २० वटा वाणिज्य बैंकहरुले २७ अर्ब ४३ करोड ६९ लाख ९६ हजार रुपैयाँ खुद नाफा कमाएका छन् । जुन गत आर्थिक वर्षको दोस्रो त्रैमासको तुलनामा ४.६२ प्रतिशत कम हो । २०८० पुस मसान्तमा वाणिज्य बैंकहरुले नाफा २८ अर्ब ७६ करोड ५२ लाख रुपैयाँ थियो ।

२०८१ पुस मसान्तसम्म सबैभन्दा धेरै धेरै नाफा नबिल बैंकले कमाएको छ । नबिलले ३ अर्ब २४ करोड रुपैयाँ नाफा कमाएको छ । त्यसपछि ग्लोबल आइएमईले ३ अर्ब ५ करोड रुपैयाँ नाफा कमाएको छ । 

नेपाल इनभेष्टमेन्ट मेगा, एभरेष्ट र एनएमबि बैंकले २ अर्ब भन्दा धेरै नाफा कमाएका छन् । 

गतवर्ष पुस मसान्तको तुलनामा यसवर्ष पुस मसान्तमा ११ वटा वाणिज्य बैंकको नाफा नाफा बढेको छ भने ९ वटाको घटेको छ ।