बैंकको खबर । वाणिज्य बैंकहरुले एक वर्ष (आव२०८१/८२)मा ७१ अर्ब १८ करोड रुपैयाँ नाफा कमाएका छन् । यो नाफा अघिल्लो आर्थिक वर्षको तुलनामा ४३.१८ प्रतिशत धेरै हो । आर्थिक वर्ष २०८०/८१मा बैंकहरुले ४९ अर्ब ५४ करोड रुपैयाँ नाफा कमाएका थिए ।

नबिल बैंकले कमायो सर्वाधिक ७ अर्ब १२ करोड
सबैभन्दा धेरै नाफा नबिल बैंकले कमाएको छ । नबिल एक्लैले ७ अर्ब १२ करोड रुपैयाँ नाफा कमाएको छ ।

नबिल पछि नेपाल इन्भेष्टमेन्ट मेगा बैंकले कमाएको छ । यो बैंकले ६ अर्ब ७५ करोड रुपैयाँ नाफा आर्जन गरेको छ । धेरै नाफा कमाउनेमध्ये तेस्रो नम्बरमा ग्लोबल आइएमई बैंक छ । ग्लोबल आइएमईले ६ अर्ब २० करोड रुपैया ँकमाएको छ ।

एनआईसी एशियाको नाफा सबैभन्दा कम
एनआईसी एशिया बैंकको नाफा सबै भन्दा कम छ । यो बैंकले जम्मा १६ करोड रुपैयाँ नाफा कमाएको छ । कुमारी बैंकको नाफा वृद्धिदर सबैभन्दा धेरै ४५ हजार ८२१ प्रतिशत छ ।

स्टाण्डर्ड चार्टर्ड बैंक, नेपाल एसबिआई बैंक, सिटिजन्स बैंक इन्टरनेशनल र एनआईसी एशिया बैंकको नाफा अघिल्लो आर्थिक वर्षको तुलनामा घटेकोछ । सबैभन्दा धेरै नाफा घट्ने बैंक पनि एनआईसी एशिया बैंक नै छ ।

नेपाल राष्ट्र बैंकले असल वर्गका वर्गिकरण गरिएको कर्जा नोक्सानी घटाउँदा बैंकहरुले प्रोभिजनिङमा कम रकम छुट्याउनु परेको छ । यसैको असर वाणिज्य बैंकहरुको नाफामा देखिएको बैंकर बताउँछन् ।