बैंकको खबर । शेयरबजारमा उतारचढाव भइरहन्छ । बजार बढ्दा धेरैले कमाउँछन भने घट्दा नोक्सानी हुन्छ । यो बजारको सामान्य नियम हो । यसरी बजार तलमाथि हुँदा तपाइलाई नाफा भयो भने त राम्रै भयो । तर घाटा भएको छ भने तपाइले फेरि पनि आफ्नो ट्रेडिङ स्ट्राटेजी रिभ्यु गर्नुपर्ने बेला भयो भनेर बुझ्नुहोला । नाफा कमाउन तपाई आफू अनुशासनमा बस्नै पर्छ । त्यसका लागि के गर्ने ?
आउनुहोस अब चर्चा गरौं सेयर किनबेच गर्नुअघि गर्नैपर्ने पाँच काम
पहिलो । अनुसन्धानः
तपाईले लगानी गर्न लागेको कम्पनीको वित्तीय स्वास्थ्य, समग्र इन्डस्ट्री र बजार प्रवृतिको विश्लेषण गर्न नविर्सनुहोस । आधाभूत र प्राविधिक दुवैको प्रयोग गर्नुहोस् ।
दोस्रो । स्पस्ट हुनुहोसः
कम्पनीले दिने प्रोफिट लिने की बजारमा हुने मूल्यवृद्धिबाट फाइदा लिने । त्यसमा स्पस्ट हुनुहोस ।
तेस्रो । जोखिम नियन्त्रण गर्नुहोसः
सेयर किन्दा खेरि नै कति नोक्सानी ब्यहोर्न सक्नुहुन्छ त्यो फिक्स गर्नुहोस । सम्भावित नोक्सानी कम गर्न स्टप–लस राख्नुहोस ।
चौथो । सूचना नछुटाउनुहोसः
तपाईको लगानीलाई असर गर्न सक्ने सूचना र सूचकहरुबारे आफुलाई सँधै अपडेट राख्नुहोस ।
पाचौं । अनुशासित हुनुहोसः
सबैभन्दा पहिला मार्केटको अप्स एण्ड डाउनमा आवेगपुर्ण निर्णय नगर्नुहोस । आफ्नो पुरानो रणनीतिमा अडिग रहनुहोस ।
यी बाहेक पनि सेयर कारोबारमा गर्नुपर्ने धेरै काम छन् । अहिलेलाई यति बुझ्नुहोस कुनैपनि लगानी दीर्घकालीन प्रयास हो । यसमा भावनात्मक प्रतिक्रिया मिसाउँदा खराव नतिजा निस्कन सक्छ ।
