बैंकको खबर । नेपाल बैंकका ग्राहकले नुवाकोटको दुप्चेश्वर स्थित कोटबारी होटलमा छुट पाउने भएका छन् । बैंक र होटलबीच छुट दिने सम्बन्धमा सम्झौता भएको बैंकले जनाएको छ ।
सम्झौता बमोजिम नेपाल बैंक लिमिटेडमा कार्यरत कर्मचारीहरू, कर्मचारीका परिवार र बैंकमा खाता रहेका ग्राहकलाई कोटबारी होटेल प्रालिले प्रदान गर्ने सेवामा १० देखि १५ प्रतिशतसम्म छुट हुने सम्झौता भएको छ ।
सम्झौता पत्रमा भदौ ११ गते बैकको तर्फबाट सहायक प्रमुख कार्यकारी अधिकृत प्रकाशकुमार अधिकारी र कोटबारी होटेलको तर्फबाट महाप्रबन्धक आनन्दसिंह ठकुरीले हस्ताक्षर गरेका छन् ।
