बैंकको खबर । राष्ट्रिय बाणिज्य बैंक लिमिटेड र नेपाल क्लियिरिङ हाउस लिमिटेडबीच एनपीएस–एनसीएस अन्तर्गत नेपाल पे कार्ड सम्बन्धि सम्झौता सम्पन्न भएको छ । राष्ट्रिय वाणिज्य बैंकको केन्द्रिय कार्यालयमा बिहीबार एक कार्यक्रम आयोजना गरी सम्झौता–पत्र आदानप्रदान गरिएको बैंकले जनाएको छ । सम्झौता–पत्रमा बैंकका प्रमुख कार्यकारी अधिकृत देवेन्द्र रमण खनाल र नेपाल क्लियिरिङ हाउस लिमिटेडका प्रमुख कार्यकारी अधिकृत निलेश मान सिंह प्रधानले हस्ताक्षर गरेका छन् ।

सम्झौता पश्चात् राष्ट्रिय बाणिज्य बैंक लिमिटेड नेपाल क्लियिरिङ हाउस लिमिटेडमार्फत उपलब्ध हुने नेपाल पे कार्डको प्रमुख सदस्य भएको छ । यस मार्फत राष्ट्रिय बाणिज्य बैंकका ग्राहकले नेपाल पे कार्ड सम्बन्धि सेवाहरु उपभोग गर्न पाउनेछन् ।

२०२२ साल माघ १० गते पूर्ण सरकारी स्वामित्वमा स्थापना भएको बैंकले हाल ७ वटै प्रदेशका ७७ जिल्ला सदरमुकामसहित दुर्गम क्षेत्रलाई समेत समेट्ने गरी ३१४ वटा शाखा कार्यालय, ७१ वटा एक्सटेन्सन काउन्टर, ३३२ वटा एटिएम र ९९ वटा शाखा रहित बैंकिङ मार्फत ४७ लाख भन्दा बढी ग्राहकलाई आधुनिक बैंकिङ सेवाहरु उपलब्ध गराइरहेको छ ।