२०८१, पुृस ५ गते शुक्रबार । 

बैंकको खबर । आरएसडिसी लघुवित्त वित्तीय संस्था लिमिटेडले वार्षिक साधारणसभा डाकेको छ । लघुवित्तले साधारणसभामा गत आर्थिक वर्षको मुनाफाबाट आफ्ना सेयरधनीहरुलाई वितरण गर्ने लाभांश प्रस्ताव लैजाँदै छ ।

लघुवित्तले पुस २९ गते, सोमबार बिहान ९ बजे रुपन्देहीको बुटवलस्थित, वेष्टर्न एशियन होटलमा एघारौँ वार्षिक साधारणसभा बोलाएको हो। 

साधारणसभाले हाल कायम चुक्ता पूँजीको ९.५० प्रतिशत बोनस सेयर र सोको कर प्रयोजनार्थ ०.५० प्रतिशत नगद लाभांश वितरण गर्ने सञ्चालक समितिको प्रस्ताव पारित गर्नेछ। 

साथै साधारणसभाले प्रबन्धपत्र तथा नियमावलीमा आवश्यक संशोधन गर्ने, मर्जर तथा एक्विजिशन सम्बन्धी कार्य गर्न सञ्चालक समितिलाई अख्तियारी दिने, संस्थापक सेयरधनीहरुको तर्फबाट ३ जना र सर्वसाधारण सेयरधनीहरुको तर्फबाट ३ जना सञ्चालकको निर्वाचन गर्ने, लेखापरीक्षक नियुक्त गर्ने लगायतका प्रस्तावहरु परित गर्नेछ।

साधारणसभा तथा लाभांश वितरण प्रयोजनका लागि लघुवित्तले पुस ११ गते बुकक्लोज गर्ने भएको छ। त्यसैले पुस ९ गतेसम्म नेप्सेमा कारोबार भइ कायम सेयरधनीहरु साधारणसभामा सहभागी हुन र लाभांश प्राप्त गर्न सक्नेछन् ।