२०८१ पुस २ गते मंगलबार । 

बैंकको खबर । अमेरिकी डलरको भाउले आफ फेरि नयाँ रेकर्ड कायम गरेको छ । नेपाल राष्ट्र बैंकका अनुसार १ अमेरिकी डलरको खरिददर १३५ रुपैयाँ ४९ पैसा र बिक्रीदर १३६ रुपैयाँ ०९ पैसा कायम भएको छ । जुन मूल्य अहिलेसम्मकै उच्च हो । 

यसअघि मंसिर २८ गते शुक्रबार १ अमेरिकी डलरको खरिददर १३५ रुपैयाँ ४८ पैसा र बिक्रीदर १३६ रुपैयाँ ०८ पैसा पुगेर रेकर्ड बनाएको थियो । त्यो रेकर्ड मूल्यलाई आज तोडेको हो ।

डलरको तुलनामा भारतीय रुपैयाँ (भारु) निरन्तर कमजोर बन्दै जाँदा नेपाली रुपैयाँ पनि अवमूल्यन हुँदै गएको छ । भारुसँग नेरुको स्थिर विनिमय दर कायम भएकाले भारु कमजोर हुँदा नेपाली रुपैयाँ पनि कमजोर हुने गर्छ ।