२०८१ मंसिर ३० गते आइतबार । 

बैंकको खबर । अधिकांश वाणिज्य बैंकहरुले पुस महिनाको लागि मंसिर महिनाकै ब्याजदरलाई निरन्तरता दिएका छन् । एनआएईसी एशिया बैंक, नेपाल बैंक र सानिमा बैंकले ब्याजदर घटाएका छन भने एनएमबि बैंक, प्राइम कमर्सियल बैंक र कृषि विकास बैंकले बढाएका छन् । अरु सबै बैंकले मंसिर महिनाकै ब्याजदरलाई स्थिर राखेका छन् ।

औसतमा पुस महिनाको लागि वाणिज्य बैंकहरुको मुद्दति निक्षेपको ब्याजदर ०.०५ प्रतिशत बिन्दुले बढेर ६.०२ प्रतिशत पुगेको छ । मंसिरमा वाणिज्य बैंकहरुको औसत ब्याजदर ५.९७ प्रतिशत थियो । 

प्रणालीमा अधिक तरलता छ भने कर्जा विस्तार हुन सकिरहेको छैन । त्यसैले बैंकहरुले केही महिनादेखि ब्यजदर घटाउँदै लगेका छन् । अहिले ब्याजदर न्यून बिन्दुमा आएको छ ।