२०८१ मंसिर २४ गते सोमबार । 

बैंकको खबर । शाइन रेसुङ्गा डेभलपमेन्ट बैंकले आर्थिक वर्ष २०८०/८१को नाफाबाट वितरण गर्न प्रस्ताव गरेको लाभांश पारित गर्न वार्षिक साधारणसभा डाकेको छ । बैंकले पुस १९ गते, शुक्रबार, रुपन्देहीको ड्रिमल्याण्ड गोल्ड रिसोर्ट एण्ड होटलमा बिहान ११ बजे १६औँ वार्षिक साधारणसभा बोलाएको हो । 

साधारणसभाले हाल कायम चुक्ता पूँजीको ३ प्रतिशत बोनस सेयर र सोको कर प्रयोजनार्थसहित ५ प्रतिशत नगद लाभांश वितरण गर्ने सञ्चालक समितिको प्रस्ताव पारित गर्नेछ । 

यसबाहेक साधारणसभाले मर्जर तथा एक्विजिशनसम्बन्धि कार्य गर्न र प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने निर्णय पनि गर्दैछ । यस्तै सञ्चालक समितिमा संस्थापकका तर्फबाट ३ जना र सर्वसाधारणका तर्फबाट ३ जना सञ्चालकको निर्वाचन गर्ने र लेखापरीक्षक नियुक्त पनि गर्नेछ । 

साधारणसभा तथा लाभांश वितरण प्रयोजनका लागि बैंकले पुस ३ गते बुकक्लोज गर्ने भएको छ। त्यसैले पुस २ गतेसम्म नेप्सेमा कारोबार भइ कायम सेयरधनीहरुले बैंकको साधारणसभामा सहभागि हुन र लाभांश प्राप्त गर्न सक्नेछन् ।