२०८१ मंसिर ११ गते मंगलबार ।

बैंकको खबर । गार्डियन माइक्रो लाइफ इन्स्योरेन्स लिमिटेडले मंसिर १९ गतेदेखि प्राथमिक सेयर (आईपीओ) निष्काशन गर्ने भएको छ। कम्पनीले पहिलो चरणमा वैदेशिक रोजगारीमा गएका नेपालीहरुका लागि आईपीओ निष्काशन गर्न लागेको हो।

इन्स्योरेन्सले जारी पूँजी ७५ करोड रुपैयाँको ३० प्रतिशत (२२ करोड ५० लाख रुपैयाँ बराबरको २२ लाख ५० हजार कित्ता सेयर) आईपीओ निष्काशन गर्न लागेको हो । 

आईपीओ निष्काशन गर्न लागेको कुल सेयरमध्ये १० प्रतिशत (२ करोड २५ लाख रुपैयाँ बराबरको २ लाख २५ हजार कित्ता सेयर) वैदेशिक रोजगारीमा रहेका नेपालीहरुका लागि बिक्री गर्दैछ । नेपाल सरकारको सम्बन्धित निकायको श्रम स्वीकृती लिई वैदेशिक रोजगारीमा रहेका नेपालीहरुले सो आईपीओ खरिद गर्न सक्नेछन् । 

इन्स्योरेन्सको आईपीओमा न्यूनतम १० कित्ता र अधिकतम १ लाख कित्तासम्म आवेदन दिन सकिनेछ । वैदेशिक रोजगारीमा रहेका नेपालीहरुले पुस ३ गतेसम्म आवेदन दिन सक्नेछन् ।

कम्पनीको सेयर निष्काशन तथा बिक्री प्रबन्धक कुमारी क्यापिटल लिमिटेड रहेको छ।