२०८१ कात्तिक २५, आइतबार ।

सेयर खबर । चाडपर्व सकिएसँगै खुलेको सेयरबजारमा लगानीकर्ताको चहलपहल बढेको छ । आज कारोबार मापक नेप्से परिसूचक ६२.५४ अंकले बढेर २७३८.०६ विन्दुमा पुगेको छ । कारोबार रकम पनि उच्च भएको छ । नौ अर्ब ७७ करोड ११ लाख २४ हजार रुपैयाँ बराबरको दुई करोड २४ लाख ७४ हजार २८१ कित्ता सेयर किनबेच भएको छ । 

कारोबार भएका २४४ कम्पनीमध्ये २२८ वटाको सेयरमूल्य बढ्दा बजार हरियो बनेको हो । तर १३ कम्पनीका सेयरधनीले आज गुमाएका छन् भने तीन कम्पनीको सेयरमूल्य स्थिर रहेको छ ।

हाइड्रोपावर समूहमा लगानीकर्ताको आकर्षण सबैभन्दा धेरै देखियो । यो समूह ४.२६ प्रतिशत बढेको छ । त्यसपछि होटल तथा पर्यटन, विकास बैंक, लगानी, अन्य, फाइनान्स, उत्पादन तथा प्रशोधन र जस्वन बीमा समूह दुई प्रतिशतभन्दा धेरै बढेका छन् । वाणिज्य बैंकहरुको बैंकिङ समूह १.६२ प्रतिशत बढेको छ । निर्जीवन बीमा १.९५ प्रतिशत र लघुवित्त १.५१ प्रतिशतले बढेको छ । ब्यापार समूह १.१५ प्रतिशत, होटल तथा पर्यटन ०.९६ प्रतिशत र म्युचुअल फण्ड ०.६२ प्रतिशत बढेको छ ।