बैंकको खबर । एभरेष्ट बैंकले चालू आर्थिक वर्षको पहिलो त्रैमासमा एक अर्ब १२ करोड ७७ लाख ४० हजार रुपैयाँ नाफा कमाएको छ । यो नाफा गत आर्थिक वर्षको सोही अवधिको तुलनामा ४४.४४ प्रतिशत बढी हो । गत आर्थिक वर्षको पहिलो त्रैमासमा बैंकले ७८ करोड सात ला ५९ हजार रुपैयाँ नाफा कमाएको थियो । 

बैंकको सञ्चालन मुनाफा बढेको, ब्याज आम्दानी बढेको र एम्पेइरमेन्ट चार्ज बापत छुट्याएको रकम घटेको कारण बैंकको नाफामा उल्लेख्य सुधार आएको हो । बैंकको इम्पेइरमेन्ट चार्ज ४२ करोड ९५ लाख बाट घटेर १० करोड ६७ लाख रुपैयाँ कायम भएको छ । 

बैंकको निष्क्रिय कर्जा पनि घटेको छ । गतवर्ष असोजसम्म ०.९० प्रतिशत रहेको निष्क्रिय कर्जा अहिले घटेर ०.७७ प्रतिशत विन्दुमा झरेको छ । 

१२ अर्ब ९४ करोड ४६ लाख ९४ हजार रुपैयाँ चुक्ता पुँजी रहेको बैंकको जगेडा कोषमा १३ अर्ब ५३ करोड ५५ लाख ८७ हजार रुपैयाँ छ ।

बैंकको प्रतिसेयर आम्दानी २९ रुपैयाँ १९ पैसाबाट बढेर ३४ रुपैयाँ ८५ पैसा पुगेको छ । यस्तै बैंकको मूल्य आम्दानी अनुपात १७.७९ गुणा र प्रतिसेयर नेटवर्थ २१९.०१ रुपैयाँ छ । बैंकको वितरणयोग्य मुनाफा एक अर्ब ६३ करोड नौ लाख २७ हजार रुपैयाँ छ ।