काठमाडौं, ६ भदौ । सेयरबजारमा बिहीबार नेप्से परिसूचक सामान्य अंकले बढेर बन्द भएको छ । नेप्से ६।०१ अंकले बढेर दुई हजार नौ सय ७४।४६ विन्दुमा पुगेको छ । १९ अर्ब १६ करोड ६ लाख रुपैयाँ बराबरको ९ लाख ५१ हजार ७२० कित्ता सेयर किनबेच भएको छ । 

कारोबारमा आएका १३ वटा समूहमध्ये ६ वटा घटेका छन भने ७ वटा बढेका छन् । बैंकिङ, विकास बैंक, फाइनान्स, होटल तथा पर्यटन, जलविद्युत, जीवन बीमा र म्युचुअल फण्ड समूह बढेका छन् । लगानी, उत्पादन तथा प्रशोधन, लघुवित्त, निर्जीवन बीमा, व्यापार र अन्य समूह घटेका छन् । 

नेप्सेका अनुसार तारागाउँ रिजेन्सी होटल, नारायणी डेभलपमेन्ट बैंक, ज्योति विकास बैंक, कर्पोरेट डेभलपमेन्ट बैंक, सिन्धु विकास बैंक, सप्तकोशी डेभलपमेन्ट बैंक, थ्री स्टार हाइड्रोपावरको सेयर मूल्यमा १० प्रतिशतले वृद्धि भई सकारात्मक सर्किट लागेको छ । त्यस्तै, १०।२५ एसबिएल डिवेञ्चरको मूल्य १० प्रतिशत घटेको छ । 

साइन रेसुङ्गा डेभलपमेन्ट बैंकको सेयर कारोबार सबैभन्दा धेरै १ अबै चार करोड रुपैयाँ बराबरको भएको छ । समग्र बजार पुँजीकरण ४७ खर्ब २४ अर्ब रुपैयाँ कायम भएको छ । यस्तै साधारण सेयर तर्फको पुँजीकरण १६ खर्ब ६९ अर्ब रुपैयाँ कायम छ ।