बैंक खबर । नेपाल राष्ट्र बैंकले विदेशी मुद्रालाई नेपाली मुद्रामा सटही गर्दै आएको छ । त्यसका लागि राष्ट्र बैंकले छुट्टै व्यवस्था गरेको छ । जसमध्ये केही महत्वपूर्ण व्यवस्थाहरु यसप्रकार छन् । 

१. वैध स्रोतबाट प्राप्त विदेशी मुद्रा अधिकतम अमेरिकी डलर १५०० वा सो बराबरको परिवत्र्य विदेशी मुद्रासम्मको रकम नगदमा आफैसँग राख्न सकिन्छ । उक्त सीमाभन्दा बढी भएमा ३५ दिनभित्र सटही गरिसक्नुपर्दछ । 

२. आफ्नो पहिचान खुल्ने प्रमण पेस गरी एक पटकमा अमेरिकी डलर ५००० वा सो बराबर हुने अन्य परिवत्र्य विदेशी मुद्रा सटही गर्न सकिन्छ । 

३. विदेशमा आर्जन गरेको प्रमासणित हुने कागजात सहित भन्सार उद्घोषण गरी कानुनी रुपमा नेपाल भित्र्याइएको परिवत्र्य विदेशी मुद्राको हकमा भने जतिसुकै रकम पनि एकैपटकमा सटही गर्न सकिन्छ । 

४. आफ्नो पहिचान खुल्ने कागजात पेस गरी विदेशी इष्टमित्र र ग्राहकहरुबाट उपहार, टिप्स आदि बापत प्राप्त भएको विदेशी मुद्रा एक पटकमा अमेरिकी डलर ५०० वा सो बराबर हुने अन्य परिवत्र्य विदेशी मुद्रा इजाजतपत्रप्राप्त मनिचेन्जरहरुबाट पनि सटही गर्न सकिन्छ ।