काठमाडौं । सामसङ नेपालले चिस्यान र पानीका कारण क्षति भएर बिग्रिएका मोबाइलहरु मर्मत गर्नका लागि ‘सामसङ मनसुन क्याम्प’ सुरु गरेको छ ।
यो क्याम्पबाट सामसङ स्मार्टफोन प्रयोगकर्ताले चार्जिङ पोर्टसहित संवेदनशील भागहरु मर्मत गर्न सक्नेछन् ।
सामसङका ग्राहकले अगस्ट २४सम्म यो क्याम्पबाट सेवा लिन सक्ने कम्पनीले जनाएको छ । प्रयोगकर्ताले फोनको वारेन्टी भए पनि वा नभए पनि सेवा केन्द्रमा गएर चार्जिङ पोर्ट निःशुल्क परिवर्तन गर्न सक्नेछन् । तर श्रम शुल्क र थप पार्टसको लागत भने ग्राहक आफैले ब्यहोर्नुपर्नेछ ।
यो सेवा सामसङका अधिकृत सेवाकेन्द्रहरुमा मात्रै उपलब्ध हुने पनि सामसङ नेपालले स्पष्ट पारेको छ । कम्पनीले आफ्ना प्रयोगकर्तालाई सीमित समयको सेवा यपयोग गर्न पनि आग्रह गरेको छ ।
