बैंकको खबर । महालक्ष्मी विकास बैंक लिमिटेडले गत आर्थिक वर्षको नाफाबाट आफ्ना शेयरधनीहरुलाई वितरण गर्ने लाभांश घोषणा गरेको छ ।

कात्तिक १७ गते बसेको बैंकको सञ्चालक समितिको बैठकले शेयरधनीहरुलाई ५ प्रतिशत बोनस शेयर र सोको कर प्रयोजन सहित ५.३७ प्रतिशत नगद लाभांश वितरण गर्ने प्रस्ताव गरेको छ ।

सञ्चालक समितिले प्रस्ताव गरेको सो लाभांश नेपाल राष्ट्र बैंकबाट स्वीकृत भई आगामी वार्षिक साधारणसभामा पारित भएपछि शेयरधनीमा वितरण हुनेछ ।