बैंकको खबर । नेपाल इन्फ्रास्ट्रक्चर बैंक लिमिटेड (निफ्रा) ले गत आर्थिक वर्षको नाफाबाट प्रस्तावित लाभांश पारित गर्न वार्षिक सधारणसभा डाकेको छ ।
बैंकले आगामी मंसिर २३ गते मंगलबार, बिहान ९ बजेका लागि साधारणसभा डाकेको हो । साधारणसभा काठमाडौंको बत्तिसपुतलीस्थित अनुपम फुडल्याण्ड एण्ड ब्याङ्क्वेटमा हुनेछ ।
सभामा हालको चुक्ता पूँजीको ६.३१५८ प्रतिशतका दरले (करसहित) नगद लाभांश वितरण गर्ने प्रस्ताव पारित गर्नेछ। साथै, लेखापरीक्षक नियुक्त गर्ने र सर्वसाधारण शेयरधनी समूहबाट प्रतिनिधित्व गर्ने २ जना सञ्चालकको निर्वाचन गर्ने एजेन्डामा समावेश छन् ।
साधारण सभा तथा लाभांश वितरणका लागि निफ्राले मंसिर १२ गते एकदिने बुकक्लोज गर्ने भएको छ । यसअनुसार मंसिर ११ गतेसम्म नेप्सेमा कारोबार भएर अभिलेखमा नाम भएका शेयरधनीले साधारणसभामा सहभागिता जनाउन र प्रस्तावित लाभांश प्राप्त गर्न सक्नेछन् ।
