काठमाडौं । विश्वको स्मार्टफोन बजारमा एप्पल शीर्ष स्थानमा पुगेको छ । सामसङ, शाओमी र मोटोरोला जस्ता दिग्गजहरू बीचको विश्वव्यापी स्मार्टफोन बजारको लडाइमा एप्पल शिर्ष स्थानमा पुगेको हो ।

काउन्टरपोइन्टको पछिल्लो रिपोर्ट अनुसार, एप्पल २०२५ मा विश्वको सबैभन्दा छिटो बढ्दो स्मार्टफोन ब्रान्ड बनेको छ । स्मार्टफोन बजारमा २ प्रतिशत विश्वव्यापी बजार हिस्सा रहेको एप्पल १० प्रतिशत वार्षिक वृद्धिको साथ सामसङलाई उछिनेको हो ।

आईफोन १७ सिरिज एप्पलको सफलताको प्रमुख माध्यम बनेको छ, र लन्च हुने बित्तिकै यसको लोकप्रियता बढेसँगै एप्पलको बजारमा हिस्सा बढेको थियो । यसबाहेक, पुरानो आईफोन १६ ले भारत, जापान र दक्षिणपूर्व एशिया जस्ता बजारहरूमा अपेक्षा गरेभन्दा धेरै राम्रो प्रदर्शन गरेका कारण एप्पलको बजार हिस्सा वृद्धि भएको हो ।

विश्लेषकहरूले कोरोना महामारीको समयमा खरिद गरिएका फोनहरू प्रतिस्थापन गर्ने समय आएका कारण एप्पलको बजार बढेको विश्लेषण गरेका छन् । यही कारणले गर्दा लाखौं प्रयोगकर्ताहरूले आफ्ना पुराना फोनहरू त्यागेर नयाँ आईफोन किनिरहेका छन् ।

रिपोर्ट २०२५ का अनुसार एप्पलको २० प्रतिशत बजार हिस्सा रहेको छ भने सामसुमको १९ प्रतिशत रहेको छ । त्यस्तै शाओमीको १३ प्रतिशत, भिभोको ८ प्रतिशत र ओप्पोको ८ प्रतिशत रहेको छ ।

यसका साथै, धेरै साना र क्षेत्रीय ब्रान्डहरूले कुल बजारको लगभग ३२ प्रतिशत ओगटेका छन् । दोस्रो स्थानमा रहेको सामसुङको १९ प्रतिशत हिस्सा छ भने यसको वार्षिक वृद्धि केवल ५ प्रतिशत छ, जुन एप्पलको भन्दा आधा रहेको छ । यसैबीच, चिनियाँ कम्पनीहरू ९ शाओमी, भिभो र ओप्पो ले विश्वव्यापी बजारको लगभग ३० प्रतिशत ओगटेका छन् ।