सूचीकृत १३ वटा समूहमध्ये पाँच वटा समूह बढेका छन् । बाँकी आठ वटा समूह घटेका छन् । सबैभन्दा धेरै फाइनान्स समूह १.३० प्रतिशत घटेको छ । 

नेपाल माइक्रो इन्स्योरेन्स कम्पनी, क्रेस्ट माइक्रो लाइफ इन्स्योरेन्स र ओम मेगाश्री फार्मासिटिकल्सको सेयर मूल्य १० प्रतिशत बढेर सकारात्मक सर्किट लागेको छ । विन नेपाल लघुवित्त वित्तीय संस्थाको सेयरमूल्य भने १० प्रतिशत घटेर नकारात्मक सर्किट लागेको छ । सानिमा माई हाइड्रोपावरको सेयरकारोबार सबैभन्दा धेरै ६० करोड ४८ लाख रुपैयाँ बराबरको भएको छ । 

लगानीकर्ताको सम्पत्ति एक दिनमा चार अर्ब रुपैयाँ घटेर ४३ खर्ब ५८ अर्ब रुपैयाँ कायम भएको छ । साधारण सेयरतर्फको बजार पुँजीकरण भने तीन करोड रुपैयाँ घटेर १४ खर्ब ५२ अर्ब रुपैयाँ कायम भएको छ ।