२०८१ मंसिर २४ गते सोमबार ।

अन्तर्राष्ट्रिय । विश्वका अर्बपतिहरुको सम्पत्ति १० वर्षमा एक सय २१ प्रतिशत बढेको बिलियनियर एम्बिसन्स रिपोर्ट २०२४ले देखाएको छ । अर्बपतिहरूले विगत १० वर्षमा विश्वव्यापी इक्विटी बजारलाई पछाडि पारेका छन् ।

अर्बपतिहरूको कुल सम्पत्ति १० वर्षमा ६.३ ट्रिलियनबाट १२१ प्रतिशत बढेर १४ ट्रिलियन अमेरिकी डलर पुगेको छ । 

विगत १० वर्षमा अर्बपतिहरुको संख्या १,७५७बाट बढेर २,६८२ पुगेको छ । अमेरिकी अर्बपतिहरुले सन् २०२४मा सबैभन्दा धेरै नाफा कमाएका छन् । जसले विश्वभरका अर्बपतिहरुको लागि अमेरिका मुख्य केन्द्रको रुपमा बलियो देश बनेको छ । 

प्राविधिक अर्बपतिहरुको सम्पत्ति सबैभन्दा छिटो बढेको छ । त्यसपछि मात्रै उद्योगमा लगानी रहेका अर्बपतिहरुको सम्पत्ति बढेको छ । पछिल्लो १० वर्षमा प्राविधिक क्षेत्रका अर्बपतिहरुको सम्पत्ति ७८८.९ बिलियनबाट तीन गुणा बढेर २.४ ट्रिलियन अमेरिकी डलर पुगेको छ । 

रिपोर्ट अनुसार सन् २०१५ देखि २०२० को बीचमा चिनियाँ अर्बपतिहरूको सम्पत्ति वार्षिक २० प्रतिशतले बढेको छ । तर त्यसपछि उनीहरुको सम्पत्ति हरेक वर्ष करिब ५ प्रतिशतले घट्दै गएको छ ।