२०८१ मंसिर २४ गते सोमबार ।

सेयर खबर । सेयरबजार घट्ने क्रमले आजपनि निरन्तरता पाएको छ । कारोबारमापक नेप्से परिसूचक १२.८४ अंकले घटेर २६७६.१५ विन्दुमा झरेको छ । कारोबार रकम पनि यस अघिका दिनमा भन्दा कम छ । 

पाँच अर्ब ६२ करोड ९९ लाख ४५ हजार आठ सय २२ रुपैयाँको एक करोड १५ लाख २३ हजार तीन कित्ता सेयर किनबेच भएको छ । 

कारोबार भएका २४३ कम्पनीमध्ये १३८ वटाको सेयरमूल्य घटेको छ । ९२ वटाको सेयरमूल्य बढेको छ भने १३ वटाको स्थिर रहेको छ ।

आजको कारोबारमा फाइनान्स समूह ०.१५ प्रतिशत, लगानी ०.७६, उत्पादन तथा प्रशोधन १.०६, म्युचुअल फन्ड ०.१४ र अन्य ०.११ प्रतिशतले बढेको छ । अरु सबै समूह घटेका छन् । बैंकिङ ०.४६, विकास बैंक ०.६८, होटल तथा पर्यटन ०.८३, जलविद्युत् ०.५४ र जीवन बिमा ०.६७ प्रतिशतले घटेको छ । यसैगरी, लघुवित्त समूह ०.६१, निर्जीवन बिमा समूह १.१६ र व्यापार समूह १.३० प्रतिशतले घटेको छ ।

इमर्जिङ नेपाल लिमिटेडको सेयर मूल्य आज सबैभन्दा धेरै ८.७६ प्रतिशतले बढेको छ । स्वाभिमान लघुवित्त वित्तीय संस्था लिमिटेडको सेयर मूल्यमा भने नकारात्मक सर्किट लागेको छ ।