२०८१ मंसिर १७ गते सोमबार । 

बीमा खबर । बीमा कम्पनीहरुले चालु आर्थिक वर्षको पहिलो चार महिनामा ५३ अर्ब रुपैयाँ बन्दा बढीको ब्यापार गरेका छन् । २०८१ साउन देखि कात्तिक मसान्तसम्म ५३ अर्ब ३९ करोड ३२ लाख रुपैयाँ बीमा शुल्क आर्जन गरेको नेपाल बीमा प्राधिकरणले जनाएको छ ।

प्राधिकरणले सार्वजनिक गरेको तथ्यांकअनुसार चार महिनामा बीमा कम्पनीहरुले १ करोड ३३ लाख ४९ हजार १५७ सक्रिय बीमालेखबाट उक्त बीमाशुल्क संकलन गरेका हुन् । गत आर्थिक वर्षको यही अवधिसम्म बीमा कम्पनीहरुले ४९ अर्ब ४३ करोड ६२ लाख रुपैयाँ बीमशुल्क आर्जन गरेका थिए। अघिल्लो वर्षको तुलनामा यस वर्ष ८ प्रतिशत बढी बीमाशुल्क आर्जन गरेको तथ्यांकमा देखिन्छ ।