२०८१ मंसिर १६ गते आइतबार ।
अन्तर्राष्ट्रिय । नवनिर्वाचित अमेरिकी राष्ट्रपति डोनाल्ड ट्रम्पले ब्रिक्स राष्ट्रहरुमा कर लगाउने चेतावनी दिएका छन् । शनिबार आफ्नो सामाजिक सञ्जाल अकाउन्टबाट पोस्ट गर्दै अमेरिकी डलरबाहेक कुनैपनि मुद्रामा ब्यापार गर्ने ब्रिक्स राष्ट्रहरूमा कर लगाउने धम्की दिएका हुन् । ट्रम्पले यस्तो कर १०० प्रतिशत लगाउने कुरा गरेका छन् ।
ट्रम्पले भने कि हामीलाई ब्रिक्स देशहरूबाट ग्यारेन्टी चाहिन्छ कि उनीहरूले व्यापारका लागि अमेरिकी डलरको सट्टा कुनै नयाँ मुद्रामा ब्यापार गर्दैनन् । यदि ब्रिक्स देशहरूले यसो गरेमा, तिनीहरूले अमेरिकामा आफ्नो निर्यातमा १०० प्रतिशत शुल्कको सामना गर्नुपर्नेछ । ट्रम्पले त्यस्ता देशहरुले अमेरिकी बजारमा सामान बेच्न बिर्सनु पर्ने चेतावनी पनि दिएका छन् ।
ट्रम्पले भने ‘व्यापारका लागि डलरको सट्टा अन्य मुद्राहरू प्रयोग गर्ने ठाउँ छैन। यदि कुनै देशले यस्तो गर्छ भने उसले अमेरिकालाई बिर्सनुपर्छ।’
ब्रिक्समा भारत, रुस र चीन लगायत ९ वटा देश सामेल छन् । यो उदीयमान अर्थतन्त्र भएका देशहरूको समूह हो ।
Leave a comment