बैंकको खबर । नेपाल राष्ट्र बैंकले रेमिट्यान्स कारोबार गर्न इजाजतपत्र प्राप्त गरेका पाँच वटा रेमिट्यान्स कम्पनीहरुको इजाजतपत्र खारेज गरेको छ । 
राष्ट्र बैंकले काठमाडौंको लाजिम्पाट स्थित राम्रो रेमिट प्रा.लि., गौशाला स्थित ग्लोबल माउन्टेन रेमिट प्रा.लि., दरबारमार्ग स्थित संसार रेमिट प्रा.लि., न्यूरोड स्थित ललित मनि ट्रान्सफर प्रा.लि. र अनामनगर स्थित माक्स मनि ट्रान्सफर प्रा.लि.को इजाजत स्वतः खारेज भएको जनाएको छ । 

केन्द्रीय बैंकले सूचना जारी गरेर ‘नेपाल राष्ट् बैंक, विप्रेषण विनियमावली, २०७९’ (प्रथम संशोधनसहितको विनियम १३ को उप–विनियम (१०)को खण्ड (ङ) र सोही विनियमको उप–विनियम (११) को खण्ड (क) र (ग) बमोजिम यी कम्पनीहरुको इजाजत स्वतः खारेज हुने देखिएकाले विप्रेषण कारोबारको सिलसिलामा यी कम्पनीहरुसँग कुनै व्यक्ति वा संघसंस्थाले लेनदेन (विप्रेषण सम्बन्धित कारोबार मात्र) रकम बाँकी रहेको भए यो सूचना प्रकाशित भएको ३५ दिनभित्र राष्ट्र बैंकको विदेशी विनिमय व्यवस्थापन विभागमा लिखित रुपमा जानकारी दिन भनेको छ । 

तोकिएको म्यादभित्र लिखित जानकारी प्राप्त हुन नआएमा बैंक जमानतसमेत फुकुवा भई जाने जानकारी राष्ट्र बैंकले गराएको छ ।