काठमाडौं । नेपाल लाइफ इन्स्योरेन्स कम्पनीको तीन दिवसीय लिडर्सिप एक्सिलेन्स अवार्डस, २०२५ सम्पन्न भएको छ । इन्स्योरेनसले द सोल्टी काठमाडौँमा साउन १६ देखि १८ गतेसम्म कार्यक्रम सञ्चालन भएको जनाएको छ ।
‘लायन वर्ष ः लिड , रोअर , रिपिट’ नाराका साथ सम्पन्न भएको सो कार्यक्रममा देशभरिबाट उत्कृष्ट व्यवसाय गर्ने ४४० एजेन्सी तथा एजेन्सी मेनेजरहरु र कम्पनीका कर्मचारीहरुको उपस्थिति रहेको थियो । कम्पनीका सञ्चालक कमलेशकुमार अग्रवाल, सञ्चालक विमल ढकाल र कम्पनीका प्रमुख कार्यकारी अधिकृत प्रवीणरमण पराजुलीले कार्यक्रमको उद्घाटन गरेका थिए ।
कार्यक्रममा बोल्दै सञ्चालक समितिका सदस्य अग्रवालले आव २०८१/८२ मा कम्पनीले प्रथम बीमा शुल्कमा ऐतिहासिक १० अर्बको कोसेढुङ्गा पार गरेकोमा सबै अभिकर्ता र कर्मचारीहरुलाई बधाइ दिए । सञ्चालक ढकालले आर्थिक मन्दीको बेला पनि उत्कृष्ट प्रदर्शन गर्न नेपाल लाइफका अभिकर्ताहरु अब्बल रहेको बताए ।
कम्पनीका प्रमुख कार्यकारी अधिकृत पराजुलीले अभिकर्ताहरुलाई गत आर्थिक वर्षको कार्यसम्पादनको लागि धन्यवाद दिँदै चालु आर्थिक वर्षको व्यापार लक्ष्य पुरा गर्न शुरुबाट नै दत्तचित्त भई काम गर्न आह्वान गरे । कार्यक्रममा गत आर्थिक वर्षको व्यापार समीक्षा गर्दै चालु आर्थिक वर्ष २०८२/८३ मा सेल्स रणनीतिका बारेमा जानकारी गराएको कम्पनीले जनाएको छ ।
कार्यक्रममा एजेन्सी मेनेजर तर्फबाट उत्कृष्ट १११ र व्यक्तिगत कोड तर्फबाट उत्कृष्ट ३२९ अभिकर्ताहरुलाई सम्मान गरिएको थियो । कार्यक्रममा सम्मानको साथ साथै ९६ जनालाई सम्राट पदक, ८७ जनालाई रत्न पदक र २५७ जनालाई समृद्धि पदकबाट पनि विभुसित गरिएको थियो ।
त्यस्तै एजेन्सी मेनेजर तर्फबाट क्रमश नेपाल प्रथम, दितिय र तृतीय हुने मदन भट्ट, स्नेहा भट्ट र बसन्ती शर्मा, तथा व्यक्तिगत कोड तर्फ बाट क्रमश नेपाल प्रथम, दितिय र तृतीय हुने सुमित्रा भट्ट, अर्बिन राजबंशी र आयुष कुँवरलाई अवार्डको साथै नगद पुरस्कारले पनि सम्मान गरिएको थियो ।
