बैंकको खबर । मेरो माइक्रोफाइनान्स लघुवित्त वित्तीय संस्था लिमिटेडको सञ्चालक समितिको अध्यक्षमा कल्याण बिक्रम पाण्डे नियुक्त भएका छन् । मंसिर ६ गते बसेको संस्थाको १६३ औँ सञ्चालक समितिको बैठकले सर्वसम्मत रूपमा अध्यक्षमा चयन गरेको संस्थाले जनाएको छ ।

यस अघि अध्यक्षको जिम्मेवारी निर्वाह गरिरहेका सुमित बाबु खत्री संस्थापक संस्था सिटिजन्स बैंक इन्टरनेसनल लिमिटेडबाट अलग भएकोले सञ्चालक समितिमा बस्न नपाउने व्यवस्था छ । 

संस्थाका नवनियुक्त अध्यक्ष पाण्डेले नेपाल राष्ट्र बैंकका कार्यकारी निर्देशक गुरुप्रसाद पौडेल समक्ष पद तथा गोपनीयताको सपथ लिएका छन् ।

पाण्डे ग्लोबल आइएमई बैंक समुहको तर्फबाट विगत ५ वर्षदेखि सञ्चालक समितिमा रहेर काम गरिसकेका ब्यक्ति हुन् ।

यस्तै, सोही बैठकले सुमन मुलेपतीलाई पनि सञ्चालक सदस्यमा नियुक्ति गरेको छ । उनी संस्थापक सेयरधनी सिटिजन बैंक इन्टरनेसनल लिमिटेडको प्रतिनिधित्व गर्दै सञ्चालक सदस्यमा नियुक्त भएका हुन् । सञ्चालक सदस्य मुलेपती सो बैंकका सहायक प्रमुख कार्यकारी अधिकृत हुन् ।