२०८१ मंसिर ७ गते शुक्रबार ।
अर्थतन्त्र । चालु आर्थिक वर्षको ४ महिनासम्ममा नेपालको व्यापार घाटा ४ खर्ब ६० अर्ब ७१ करोड ७३ लाख २८ हजार रुपैयाँ भएको छ । जुन गत आर्थिक वर्षको सोही अवधिको तुलनामा ०.२६ प्रतिशत कम हो । गत आर्थिक वर्षको पहिलो चार महिनामा ब्यापार घाटा चार खर्ब ६१ अर्ब ९३ करोड ८० लाख ९३ हजार रुपैयाँ थियो ।
भन्सार विभागले आज सार्वजनिक गरेको कात्तिक मसान्तसम्मको विवरण अनुसार चार महिनामा नेपालले पाँच खर्ब १३ अर्ब ३८ करोड ८० लाख ३९ हजार रुपैयाँको आयात गरेको छ भने ५२ अर्ब ६७ करोड सात लाख १० हजार रुपैयाँ बराबरको निर्यात गरेको छ ।
एक वर्ष अघिको तुलनामा आयात ०.१७ प्रतिशत र निर्यात ४.१६ प्रतिशत बढेको छ । चार महिनामा कुल वैदेशिक व्यापार पाँच खर्ब ६६ अर्ब पाँच करोड ८७ लाख ४९ हजार रुपैयाँ बराबरको भएको छ ।
Leave a comment