२०८१ मंसिर ५ गते बुधबार ।

बैंकको खबर । सांग्रिला डेभलपमेन्ट बैंक र ललितपुरको कुपण्डोल स्थित बृहत इन्भेष्टमेन्ट प्रालिबिच मंसीर ४ गते व्यवसायिक सम्झौताभएको छ । 

सम्झौता अनुसार कुनै पनि व्यक्तिले बृहत इन्भेष्टमेन्ट प्रालिद्वारा सञ्चालित चापागाँउ परियोजना अन्तर्गतका घर÷जग्गाा खरिद गर्न चाहेको खण्डमा सांग्रिला डेभलपमेन्ट बैंक लिमिटेडले खरिदकर्तालाई सहज तरिकामा कर्जा उपलब्ध गराउने छ ।

घर÷जग्गाा खरिद गर्न अधिकतम ४० वर्ष सम्मको समयावधीका लागिअधिकतम कर्जा रकम २ करोड रुपैयाँसम्म उपलब्ध गराउने सम्झौता भएको छ । कर्जाको ब्याजदर ९.९९ प्रतिशत तोकिएको छ भने पहिलो ७ वर्ष सम्मको लागि ब्याजदर स्थिर रहने सम्झौतापत्रमा उल्लेख गरिएको छ ।

बैंकले ग्राहकलाई घर÷जग्गाा खरिद गर्न झन्झट रहित, सहज र सरल कर्जा सेवाप्रदानगर्ने उद्देश्यले सम्झौतापत्रमा हस्ताक्षर भएको जनाएको छ ।

सम्झौतामा बैंकको तर्फबाट काठमाडौ क्लस्टर प्रमुख सुप्रिया श्रेष्ठ र बृहत इन्भेष्टमेन्ट प्रालिको तर्फबाट कार्यकारी निर्देशक पूर्णिमा राजभण्डारीले हस्ताक्षर गरेका छन् । 

बैंकको  मुलुकभर ११२ शाखाकार्यालयहरु, ३० एटिएम, साथै संस्थागत सुशासन, जोखिमव्यवस्थापन र आन्तरिक नियन्त्रण प्रणालीको उत्कृष्ट अभ्यासलाई यस बैंकले पालनागर्दै आएको छ ।