२०८१ कात्तिक २६ गते सोमबार । 

बैंकको खबर । सेयरबजारमा आज नेप्से परिसूचकसँगै कारोबार रकममा पनि वृद्धि भएको छ । नेप्से परिसूचक २२.१४ अंकले बढेर २७६०.२१ विन्दुमा कायम भएको छ । 

कारोबार रकम पनि आइतबारको तुलनामा बढेको छ । आइतबार पौने १० अर्ब हाराहारी कारोबार भएको बजारमा सोमबार ११ अर्ब ३१ करोड ५२ लाख सात हजार रुपैयाँ बराबरको दुई करोड ४५ लाख ५७ हजार १५३ कित्ता सेयर किनबेच भएको छ । 

कारोबार भएका २४४ कम्पनीमध्ये १४३ वटाको सेयरमूल्य बढेको छ । बाँकीमध्ये ९२ वटाको सेयरमूल्य घटेको छ भने नौ वटाको स्थिर रहेको छ । 
कारोबार भएका मध्ये सात वटा कम्पनीको सेयरमूल्यमा सकारात्मक सर्कट लागेको छ । इस्टर्न हाइड्रोपावरको सेयरमूल्यमा भने नकारात्मक सर्किट लागेको छ ।