काठमाडौं, कात्तिक २१
बीमा खबर । एनएलजी इन्स्योरेन्स कम्पनी लिमिटेडले मंसिर ११ गतेदेखि हकप्रद सेयर निष्काशन गर्ने भएको छ। इन्स्योरेन्सले हाल कायम चुक्ता पूँजीको ६२.५६ प्रतिशत हकप्रद सेयर बिक्री गर्न लागेको हो ।
इन्स्योरेन्सले ९६ करोड ३१ लाख २२ हजार २२ रुपैयाँ बराबरको प्रतिसेयर १०० रुपैयाँ अंकित मूल्यका ९६ लाख ३१ हजार २२०.२२ कित्ता हकप्रद सेयर निष्काशन तथा बिक्री गर्नेछ ।
हकप्रद सेयर निष्काशन प्रयोजनका लागि इन्स्योरेन्सले कात्तिक २७ गते बुकक्लोज गर्ने भएको छ। त्यसैले कात्तिक २६ गतेसम्म नेप्सेमा कारोबार भइ कायम सेयरधनीहरुले इन्स्योरेन्सले बिक्री गर्ने हकप्रद सेयर खरिद गर्न सक्नेछन् । लगानीकर्ताले पुस १ गतेसम्म इन्स्योरेन्सको हकप्रद सेयर खरिदका लागि आवेदन दिन पाउनेछन् ।
इन्स्योरेन्सको हकप्रदका लागि इक्रा नेपालले इक्राएनपी इस्यूअर रेटिङ्ग ए माइनस प्रदान गरेको छ। यसले समयमा वित्तीय दायित्व बहन गर्ने क्षमता पर्याप्त सुरक्षित रहेको देखाउँछ ।
इन्स्योरेन्सको हकप्रद सेयर निष्काशन तथा बिक्री प्रबन्धकमा लक्ष्मी सनराइज क्यापिटल लिमिटेड छ।
हाल इन्स्योरेन्सको चुक्ता पूँजी १ अर्ब ५३ करोड ९५ लाख ३६ हजार १०० रुपैयाँ छ। हकप्रद बिक्री पछि इन्स्योरेन्सको चुक्ता पूँजी २ अर्ब ५० करोड २६ लाख ५७ हजार ९८२ रुपैयाँ पुग्नेछ।
Leave a comment