बैंक खबर । सबै वाणिज्य बैंकहरुले गत आर्थिक वर्ष २०८०/८१को वित्तीय विवरण सार्वजनिक गरिसकेका छन् । यसमध्ये १० वाणिज्य बैंकहरुले नाफा बढाएका छन भने १० वटाको घटेको छ । 

केही बैंकको लाभांश वितरण गर्ने क्षमता बढेको छ । तर अधिकांशको घटेको छ । सबैभन्दा धेरै लाभांश वितरण गर्ने क्षमता एभरेष्ट बैंकको छ । यो बैंकले सेयरधनीलाई प्रतिसेयर २९.८६ प्रतिशत लाभांश दिने क्षमता राख्दछ । 

एभरेष्टपछि स्टाण्डर्ड चार्टर्डको लाभांश क्षमता बढी छ । स्टाण्डर्ड चार्टर्डले २६.५० प्रतिशत लाभांश वितरण गर्ने क्षमता राख्दछ । तेस्रो धेरै लाभांश वितरण गर्नसक्ने बैंक कृषि विकास बैंक देखिएको छ । कृषि विकास बैंकको लाभांश क्षमता १७.३७ प्रतिशत छ । 

सञ्चालनमा रहेका २० वटा वाणिज्य बैंकहरुमध्ये १६ वटा बैंकले लाभांश वितरण गर्ने क्षमता राख्दछन भने चार वटाले लाभांश वितरण गर्न नसक्ने भएका छन् ।