बैंकको खबर । सञ्चालनमा रहेका २० वटा वाणिज्य बैंकहरुले आर्थिक वर्ष २०८०/८१मा ६४ अर्ब १५ करोड ३० लाख रुपैयाँ नाफा कमाएका छन् । जुन अघिल्लो आर्थिक वर्षको तुलनामा १३.४० प्रतिशत बढी हो । आर्थिक वर्ष २०७९/८०मा बैंकहरुले ५६ अर्ब ५७ करोड ४४ लाख रुपैयाँ नाफा कमाएका थिए । 

आर्थिक वर्ष २०८०/८१मा सबैभन्दा धेरै नाफा नबिल बैंकले कमाएको छ । नबिलले ७ अर्ब ६ करोड रुपैयाँ नाफा कमाएको छ । अघिल्लो वर्ष नबिलले ६ अर्ब ४० करोड कमाएको थियो । 

ग्लोबल आइएमई बैंक सबैभन्दा धेरै नाफा कमाउने बैंकहरुमध्ये दोस्रो स्थानमा छ । नबिलले ६ अर्ब १ करोड रुपैयाँ नाफा कमाएको छ ।
सबैभन्दा कम नाफा माछापुच्छ्रे बैंकले १ अर्ब २५ करोड रुपैयाँ कमाएको छ । 

अघिल्लो आर्थिक वर्षको तुलनामा सबैभन्दा धेरै नाफा प्रभु बैंकले बढाएको छ । प्रभु बैंकको खुद नाफा एक वर्षमा १४९९ प्रतिशत बढेको छ । आर्थिक वर्ष २०७९/८०मा २८ करोड २ लाख रुपैयाँ कमाएको प्रभुले आर्थिक वर्ष २०८०/८१मा ४ अर्ब ४८ करोड ८ लाख रुपैयाँ कमाएको छ ।