सेयर खबर । साताको अन्तिम कारोबारदिन बिहीबार नेप्से परिसूचक ५.२९ अंकले घटेर २७५५.६२ विन्दुमा कायम भएको छ । ‘इन्ट्रा डे’ कारोबारमा नेप्से २८ सय विन्दुभन्दा माथि पुगेको थियो । तर नाफा सुरक्षित गर्नेहरु सक्रिय हुँदा बजारको वृद्धि टिक्न सकेन र बजार बन्दहुँदासम्म सामान्य अंक घटेर बन्द हुन पुग्यो । 

२१ अर्ब ७१ करोड ३४ लाख रुपैयाँ बराबरको पाँच करोड १३ लाख २१ हजार छ सय २९ कित्ता सेयर किनबेच भएको छ । लगानीकर्ताको सम्पत्ति आठ अर्ब रुपैयाँ घटेको छ । बजार पुँजीकरण ४३ खर्ब ७२ अर्ब रुपैयाँ कायम भएको छ । 

कारोबारमा आएका २४१ कम्पनीमध्ये १६४ वटाको सेयरमूल्य घटेको छ भने ७४ वटाको बढेको छ । बाँकी तीन वटाको सेयरमूल्य स्थिर रहेको छ । 
पाँच कम्पनीको सेयरमूल्य १० प्रतिशत बढेको छ । पिपुल्स हाइड्रोपावरकाका सेयरधनीले सबैभन्दा धेरै ९.१३ प्रतिशत गुमाएका छन् । हिमालयन रिइन्स्योरेन्सको सेयर कारोबार सर्वाधिक ५९ करोड ७६ लाख रुपैयाँ बराबरको भएको छ ।