अन्तर्राष्ट्रिय । अमेरिकी केन्द्रीय बैंक फेडरल रिजर्भ (फेड) ले ब्याजदर २५ आधार विन्दु (०.२५ प्रतिशत विन्दु)ले घटाएको छ । फेडले ब्याजदर घटाएको यो लगातार तेस्रो पटक हो ।
ब्याजदर घटाएसँगै अब ३.५० प्रतिशत देखि ३.७५ प्रतिशत कायम भएको छ । यसअघि अक्टोबर २९मा ०.२५ प्रतिशत विन्दुले ब्याजदर घटाउँदा ३.७५ प्रतिशत देखि ४ प्रतिशत थियो ।
खासगरी श्रम बजारमा देखिएको मन्दी र बढ्दो मुद्रास्फीतिको दबाबका कारण ब्याजदर घटाएको हो ।
फेडले सेप्टेम्बर १७ र अक्टोबर २९ मा गरी कुल ०.५० प्रतिशत विन्दुले ब्याजदर कटौती गरेको थियो ।
